‘તારક મહેતા’ સૌથી વધારે વખત કરાયું સર્ચ, રામાયણ-મહાભારતને પણ પાછળ પાડી દીધું

કોરોના સમયગાળા દરમિયાન ઘરની ચાર દિવાલોમાં કેદ લોકોએ ઇન્ટરનેટનો ખૂબ ઉપયોગ કર્યો છે. આ ઇન્ટરનેટને કારણે તમે તમારા મનપસંદ શો જોયા છે, સતત પોતાનું મનોરંજન કર્યું છે. યાહૂ (Yahoo) દ્વારા હવે એક સર્વે કરવામાં આવ્યો હતો, જેનાથી તે સમજવું સરળ થઈ ગયું કે શો વિશે સૌથી વધુ કોને સર્ચ કરવામાં આવ્યું. આ લિસ્ટમાં લોકપ્રિય શો તારક મહેતા કા ઉલ્ટા ચશ્મા (TMKOC) ટોચ પર હતો. ચાહકોએ તારક મહેતાને સૌથી વધુ સર્ચ કર્યું અને આ શો વિશે જાણવા પ્રયત્ન કર્યો.

તારક મહેતા કા ઉલ્ટા ચશ્મા જેણે તાજેતરમાં તેના ત્રણ હજાર એપિસોડ પૂર્ણ કર્યા છે, તે હજી પણ પ્રેક્ષકોના દિલ પર રાજ કરે છે. ટીઆરપીના મામલે આ શો સતત ટોપ 5માં રહ્યો છે. બીઆર ચોપરાના મહાભારતનો નંબર બીજા સ્થાને સામેલ થયો. ત્રણ દાયકા જૂની સિરિયલને લોકડાઉન દરમિયાન ફરીથી લોંચ કરવામાં આવી હતી. તેને એટલી પસંદ કરવામાં આવી કે આ પછી લોકો સતત ઇન્ટરનેટ પર સર્ચ કરતા હતા.

આ લિસ્ટમાં ત્રીજા સ્થાને અભિનેતા સુશાંત સિંહ રાજપૂતની ફિલ્મ દિલ બેચરાને આપવામાં આવ્યું છે. સુશાંતના અવસાન પછી બધાએ આતુરતાથી તેની છેલ્લી ફિલ્મ દિલ બેચરાની રાહ જોઈ. ઓટીટી પર રજૂ થતાંની સાથે જ આ ફિલ્મે દર્શકોના ઘણા રેકોર્ડ તોડ્યા હતા. રામાનંદ સાગરની રામાયણમાં પણ લોકડાઉન દરમિયાન તમામના દિલ જીતી લીધા હતા. મહાભારત સાથે દૂરદર્શન પર શરૂ થયેલ રામાયણ દરેક લોકોએ જોઈ હતી. પરિણામ એ આવ્યું કે આ સિરીયલને યાહૂ પર સતત સર્ચ કરવામાં આવી. આ લિસ્ટમાં શોને ચોથું સ્થાન અપાયું છે.

કપિલ શર્મા શો પણ ટોચ 5માં સ્થાન મેળવવામાં સફળ રહ્યો છે. ડિપ્રેશન બાદથી કપિલે કમબેક કર્યું છે, તેના શોને દર્શકોનો ઘણો પ્રેમ મળી રહ્યો છે. તેઓ સંપૂર્ણ ફોર્મમાં પણ જોવા મળે છે. અભિનેતા ટાઇગર શ્રોફની ફિલ્મ બાગી 3 લોકડાઉન પહેલા જ રીલિઝ થઈ હતી. તે સમયે ફિલ્મના ટ્રેલરથી લઈને તેના પ્રમોશન સુધી બધું ટ્રેંડિંગ હતું. ફિલ્મોને લઈને ચાહકો ખૂબ ઉત્સાહિત હતા. યાહૂની યાદીમાં બાગી 3 છઠ્ઠા ક્રમે છે.

ટોપ 10માં બિગ બોસ અને મિર્ઝાપુર સીઝન 2નો પણ સમાવેશ કરવામાં આવ્યો છે. એક તરફ બિગ બોસ ટીઆરપી વધારવામાં નિષ્ફળ જણાય છે, જ્યારે મિર્ઝાપુરની સીઝન 2 ફરીથી બધાને પ્રભાવિત કરી છે.