ગરબા પરિવાર સાથે રમાશે, મોટા ભાગની સોસાયટીઓમાં ગેસ્ટની એન્ટ્રી પર પ્રતિબંધ રહેશે, વેક્સિન સર્ટિફિકેટ ફરજિયાત

નવરાત્રિને હવે ગણતરીના દિવસો બાકી રહ્યા છે ત્યારે આ વર્ષે પણ પાર્ટી પ્લોટ અને ક્લબના મોટા આયોજન ન થતા હોવાથી સોસાયટીના આયોજકોએ પોતાના મેમ્બર્સ માટે ગરબાનું આયોજન કરવાનંુ નક્કી કરી લીધંુ છે. અમદાવાદની તમામ મોટી સોસાયટીઓના પ્રતિનિધિઓએ ગણેશ વિસર્જન બાદ બીજા જ દિવસે ગરબાની તૈયારીઓ શરૂ કરી દીધી છે. ત્યારે આજ વાતને લઇને સિટી ભાસ્કરે શહેરની કેટલીક સોસાયટીના પ્રતિનિધિ સાથે વાત કરતા જાણવા મળ્યું કે મોટાભાગની સોસાયટીમાં 9 દિવસ માટે ડીજે અને ઓર્કેસ્ટ્રા સાથે માત્ર મેમ્બર્સ માટે ગરબા યોજાશે અને વેક્સિન સર્ટિફિકેટ બાદ જ એન્ટ્રી આપવામાં આવશે.