ગુજરાતમાં દરરોજ કેસમાં 3 ટકા વધી રહ્યાં છે, રાજ્યમાં મૃત્યુદર 6 ટકા અને રિકવરી રેટ 67 ટકા પર પહોંચ્યો

• રાજ્યમાં કુલ 19,617 કેસ અને 1219 મૃત્યુઆંક, 13,324 ડિસ્ચાર્જ થયા
• અમદાવાદમાં 26, સુરતમાં 2 અને વડોદરામાં 1 દર્દીનું મૃત્યુ

અમદાવાદ. ગુજરાતમાં શનિવારે 498 નવા કેસ નોંધાતા હવે ગુજરાતમાં કોરોનાના કુલ 19,617 કેસ નોંધાઇ ચૂક્યા છે. જે ગુજરાતની કુલ વસ્તીના સંદર્ભે જોઇએ તો દર 10 લાખની વસ્તીએ 289 લોકો કોરોનાના સંક્રમણમાં આવ્યા છે. દરરોજ કોરોનાના ત્રણ ટકા કેસ વધી રહ્યા છે. તેની સામે ગુજરાતમાં શનિવારે 29 મોત થતાં હવે કુલ મૃતકાંક 1,219 પર પહોંચ્યો છે. ગુજરાતમાં મૃત્યુનો દર વધી રહ્યો છે અને તે હવે 6.21 ટકા પર છે. આ તરફ રાજ્યમાંથી 313 દર્દીઓ સાજા થતાં તેમને ઘરે મોકલવામાં આવ્યા છે અને હવે રીકવર થયેલાં દર્દીનો કુલ આંક 13,324 પર પહોંચ્યો છે. ગુજરાતનો રીકવરી રેટ 67.92 પર પહોંચી ગયો છે.

24 કલાકમાં ક્યાં કેટલા કેસ નોંધાયા
રાજ્યમાં નવા નોંધાયેલા કેસોની વિગત જોઇએ તો અમદાવાદમાં 289, સુરતમાં 92, વડોદરામાં 34, ગાંધીનગરમાં 20, રાજકોટમાં 8, વલસાડમાં 7, મહેસાણા અને પાટણમાં 6-6, સાબરકાંઠા અને કચ્છમાં 5-5, બનાસકાંઠા અને પંચમહાલમાં 4-4, ભરૂચ અને છોટાઉદેપુરમાં 3-3, ભાવનગર, અરવલ્લી, આણંદ, ખેડા, ગીર-સોમનાથ અને નવસારીમાં 2-2 કેસ નોંધાયા છે. રાજ્યમાં આજે નોંધાયેલા મોતમાં અમદાવાદમાં 26, સુરતમાં 2 અને વડોદરામાં 1 દર્દીનું મૃત્યુ થયું છે. 

છેલ્લા 8 દિવસથી રાજ્યમાં દરરોજ 400થી વધુ અને અમદાવાદમાં 250થી વધુ કોરોનાના કેસ

કુલ 19,617 દર્દી, 1219 ના મોત અને 13,124 ડિસ્ચાર્જ(સરકાર દ્વારા દર 24 કલાકે જાહેર કરાતા આંકડા મુજબ)