આતે કેવું સ્વાગત : જેલમાંથી છૂટેલા પૂણેના ગેંગસ્ટરને લેવા માટે 500 કારનો કાફલો પહોંચ્યો!

આતે કેવું સ્વાગત : જેલમાંથી છૂટેલા પૂણેના ગેંગસ્ટરને લેવા માટે 500 કારનો કાફલો પહોંચ્યો!

હત્યા કેસમાં નિર્દોષ છૂટેલો ગેંગસ્ટર ગજાનન મારણે ખુલ્લી કારમાં ઘરે પહોંચ્યો

પૂણેના નામચીન ગેંગસ્ટર ગજાનન મારણેને હત્યાના બે કેસમાં કોર્ટે પુરાવાના અભાવે નિર્દોષ છોડ્યો છે. તે મુંબઇની તલોજા જેલમાંથી છૂટતાં તેના સમર્થકોએ શક્તિપ્રદર્શન કર્યું. તેને લેવા માટે જેલની બહાર 500 કારનો કાફલો પહોંચ્યો હતો. સમર્થકોએ પૂણે-મુંબઇ એક્સપ્રેસ હાઇવે પર જુલૂસ કાઢ્યું, ફટાકડાં ફોડ્યા અને ડ્રોન કેમેરાથી તેનું શૂટિંગ પણ કર્યું.

પોલીસે આ મામલે ફરિયાદ દાખલ કરી છે. ગજાનન સામે 2014માં થયેલી બે હત્યાના ગુના હતા, જેથી તે જ્યુડિશિયલ કસ્ટડીમાં હતો. 500 કાર સાથે તેને લેવા આવેલા તેના સમર્થકોએ પહેલાં મુંબઇ-પૂણે એક્સપ્રેસ હાઇવે પર ભેગા થયા બાદ જુલૂસ કાઢ્યું. ગજાનન એક ખુલ્લી કારમાં ઊભો રહીને નેતાની જેમ સમર્થકોનું અભિવાદન ઝીલી રહ્યો હતો.

આ દરમિયાન તેના સમર્થકોએ ફટાકડા ફોડ્યા અને ડ્રોનથી જુલૂસનું શૂટિંગ પણ કર્યું. તેના કારણે હાઇવે પર ટ્રાફિક જામ થઇ ગયો. બાદમાં જુલૂસનો વીડિયો સોશિયલ મીડિયા પર વાઇરલ થતાં પોલીસે ગજાનન અને તેના સમર્થકો વિરુદ્ધ વિવિધ કલમો હેઠળ કેસ દાખલ કર્યો. જુલૂસ દરમિયાન ગજાનનના સમર્થકોએ હાઇવે પર ટોલ ટેક્સ પણ નહોતો ભર્યો. બધી કાર સ્પીડમાં ગજાનનના કોથરુડ સ્થિત ઘરે પહોંચી હતી. સમર્થકોએ ફટાકડા ફોડ્યા, ડ્રોનથી શૂટિંગ પણ કર્યું હતું.

( Source – Divyabhaskar )