ક્રૂડમાંથી કમાણી:પેટ્રોલમાં દર લિટરે 20.14, જ્યારે ડીઝલમાં 19.89 ગુજરાત સરકારની તિજોરીમાં જાય છે; વર્ષે 15 હજાર કરોડનો નફો

• 2020-2021માં કેન્દ્ર સરકારે પેટ્રોલ અને ડીઝલમાંથી 3 લાખ કરોડની કમાણી કરી
• 2020 કરતાં 2021માં પેટ્રોલમાં દર લિટરે 4.25, ડીઝલમાં 3.90નો ટેક્સ વધારો થયો
• દર વર્ષે ગુજરાત પેટ્રોલ-ડીઝલના ટેક્સમાંથી 15 હજાર કરોડ કમાય છે

પેટ્રોલના ભાવ આસમાન આંબી રહ્યા છે. ત્યારે પેટ્રોલની કિંમતમાંથી રાજ્ય સરકારને કેટલી રકમ મળે છે એ સવાલ દરેકના મનમાં છે. ગુજરાતમાં પેટ્રોલમાં દર લિટરે રૂ. 20.14 અને ડીઝલમાં રૂ. 19.89 સરકારની તિજોરીમાં જાય છે. 2020 કરતાં 2021માં પેટ્રોલમાં દર લિટરે રૂ. 4.25 અને ડીઝલમાં રૂ. 3.90 રાજ્ય સરકારના ટેક્સમાં વધારો થયો છે. 2020ના જુલાઇમાં પેટ્રોલ પર પ્રતિ લિટરે રૂ. 15.90 મળતા હતા, જે વધીને જુલાઇ 2021માં રૂ. 20.14 થયા છે. ડીઝલમાં 2020માં પ્રતિ લિટરે રૂ. 15.98 મળતા હતા, જે વધીને 2021 જુલાઇમાં 19.89 થયા છે. આ માહિતી સોમવારે લોકસભામાં આપવામાં આવી હતી. પેટ્રોલ-ડીઝલના ટેક્સમાંથી દર વર્ષે ગુજરાત સરકારને 15 હજાર કરોડની કમાણી થાય છે.

3 મહિનામાં પેટ્રોલમાં રૂ. 11નો, જ્યારે ડીઝલમાં રૂ. 10નો વધારો

અન્ય રાજ્યોની સરખામણીએ ગુજરાતમાં ટેક્સ ઓછો
પ્રતિ લિટર પેટ્રોલ-ડીઝલ પર રાજ્યને મળતો ટેક્સ

કેન્દ્ર પેટ્રોલ-ડીઝલમાં એક્સાઇઝ-સેસ દ્વારા રૂ.3.35 લાખ કરોડ કમાયું

• સૌથી ઓછો વેટ આંદામાન અને નિકોબારમાં છે. પેટ્રોલ પર લિટરે 4.82 અને ડીઝલ પર 4.74 વસૂલાય છે.
• કેન્દ્ર પેટ્રોલિયમ પેદાશો પર એક્સાઈઝ ડ્યૂટી તરીકે 32 રૂપિયા વસૂલે છે. તેનો ઉપયોગ 80 કરોડ લોકોને પ્રધાનમંત્રી ગરીબ કલ્યાણ યોજના હેઠળ અપાતી સહાયમાં કરાય છે.