ચીનમાં થયો જોરદાર ચમત્કાર, 20 મિનિટ સુધી ત્રણ સૂર્ય દેખાતા દુનિયા આખી સ્તબ્ધ, જુઓ Video

ચીનમાં થયો જોરદાર ચમત્કાર, 20 મિનિટ સુધી ત્રણ સૂર્ય દેખાતા દુનિયા આખી સ્તબ્ધ, જુઓ Video

આખી દુનિયા જ્યારે નવા વર્ષની તૈયારીમાં લાગેલું હતું ત્યારે ચીનના લોકો કુદરતી ઘટનાના સાક્ષી બનીને સ્તબ્ધ થઇ ગયા હતા. ચીનના ઉત્તરપૂર્વમાં આવેલા જિલિન પ્રાંતના ફુયુ શહેરમાં 31મી ડિસેમ્બર 2019ના રોજ એક સાથે ત્રણ સૂરજ દેખાયા હતા. તેને જોઇએ લોકોએ કહ્યું કે આ કોઇ ચમત્કારથી કમ નથી. પરંતુ એખ વૈજ્ઞાનિક ઘટના છે જે એક ખાસ પરિસ્થિતિમાં થા છે. આવો જાણીએ ત્રણ સૂરજ દેખાવા પાછળનું શું કારણ છે?

ત્રણ ગણી વધુ રોશીની હતી ફુયુ શહેરમાં!

31મી ડિસેમ્બર 2019ના રોજ સવારે લોકો નવા વર્ષના સ્વાગતની તૈયારીમાં લાગી ગયા હતા. સવારે કંઇક વધુ જ રોશની દેખાવા લાગી હતી. જ્યારે લોકો ઘરથી બહાર નીકળ્યા તો તેમને આકાશમાં ત્રણ-ત્રણ સૂરજ દેખાઇ રહ્યા હતા. ત્યારબાદ રસ્તા પર લોકોની ભીડ જામી ગઇ. લોકો ઘરમાંથી બહાર નીકળીને તેની તસવીરો લઇ રહ્યા હતા.

કેવા દેખાતા હતા ત્રણ સૂરજ?

ચીનના ઉત્તરપૂર્વમાં આવેલા જિલિન પ્રાંતના ફુયુ શહેરમાં જે ત્રણ સૂરજ એકસાથે દેખાયા હતા તેમાંથી બે અડધા દેખાતા હતા. જ્યારે વચ્ચે આખો સૂરજ હતો. વચ્ચે વાળા સૂરજની ચારેય બાજુ બાકી બે અડધા સૂરજના લીધે ઉલટું ઇન્દ્રધનુષ બનતું દેખાઇ રહ્યું હતું.

20 મિનિટ સુધી દેખાયો આવો અદ્ભુત નજારો

મુખ્ય સૂરજની સાથે દેખાઇ રહેલા બાકીના બે અડધા સૂર્ય અંદાજે 20 મિનિટ સુધી આકાશમાં રહ્યા પછી ગાયબ થઇ ગયા. તેની સાથે જ મુખ્ય સૂર્ય ઉપર બનેલ ઉલટું ઇન્દ્રધનુષ પણ ગાયબ થઇ ગયું. વૈજ્ઞાનિક ભાષામાં તેને સનડોગ કહેવાય છે.

શું છે સનડોગ?

સૂર્યોદય અને સૂર્યાસ્તના સમયે સનડોગ બને છે જ્યારે સૂરજ આકાશમાં ખૂબ નીચેની તરફ દેખાય છે. આ ઘટના જ્યારે આકાશમાં ખૂબ જ વાદળો હોય અથવા તો બરફના કણ તરી રહ્યા હોય. આ કણો સાથે જ્યારે સૂરજની રોશની ટકરાય છે તો તમને ત્રણ-ત્રણ સૂરજ દેખાય છે. સાથો સાથ તેની ઉપર ઉલટું ઇન્દ્રધનુષ બને છે.