ન્યુ રાણીપ-કેનેડાથી કોલ કરી પતિએ કહ્યું-‘હું વિદેશમાં છું,તું મારુ કશું બગાડી નહી લે’

ન્યુ રાણીપ-કેનેડાથી કોલ કરી પતિએ કહ્યું-‘હું વિદેશમાં છું,તું મારુ કશું બગાડી નહી લે’

ન્યુ રાણીપમાં રહેતી પરિણીતાએ રૂપિયા 25 લાખની રોકડ અને 25 તોલા દાગીનાની માંગણી કરતાં સાસરિયા વિરૃદ્ધ સોમવારે બપોરે સાબરમતી પોલીસ સ્ટેશનમાં ફરિયાદ નોંધાવી છે. પતિ પત્નીની જાણ બહાર ઓગષ્ટ, 2018માં કેનેડા જતો રહ્યો હતો.

વોટસએપ કોલ કરી કહ્યું કે, હું વિદેશમાં છું, તું મારુ કશું બગાડી નહી લે. બાદમાં પતિએ છૂટાછેડાના ડોક્યુમેન્ટ મોકલ્યા અને મેસેજ કર્યો કે, પેપર્સમાં સહી થશે પછી જ તમારા દાગીના પરત મળશે.

ન્યુ રાણીપમાં ઈન્દ્રપ્રસ્થ-9 ખાતે રહેતી મિત્તલ અભય પંચાલ (ઉં,26)એ શાહીબાગ સર્કીટ હાઉસ પાસે કૃષ્ણકુંજ એપાર્ટમેન્ટમાં રહેતાં પતિ અભય, સસરા હિતેષભાઈ અને સાસુ સિનીતાબહેન વિરૃદ્ધ શારિરીક માનસિક ત્રાસની ફરિયાદ નોંધાવી છે. 2017માં મિત્તલે ખાનપુર ખાતેની મેરેજ શાખામાં રજીસ્ટર મેરેજ કર્યા બાદ ગત તા.5-3-2018માં ફરી આનંદ પાર્ટી પ્લોટમાં ફરીથી લગ્ન કર્યા હતા.

લગ્નના બીજા દિવસે સાસુ-સસરાએ મિત્તલે પહેરેલ સોના-ચાંદીના દાગીના ઉતારીને આપી દેવા માટે જણાવ્યું હતું. મિત્તલે દાગીના ના ઉતરાવશો તેમ કહેતાં દાગીના ઉતરાવીને તેની સાથે તકરાર કરી હતી. પતિએ તારી સાથે લગ્ન કરી મે ભૂલ કરી હોય એવું મને લાગી રહ્યું છે. તે પછી પતિએ તારા પિતા પાસેથી બીજા રૃ.૨૫ લાખ અને ૨૫ તોલા દાગીના લઈ આવ તો જ તને ઘરમાં રાખીશું.