કોરોના ચૂંટણી અને સભાઓથી ડરે છે એટલે ચૂંટણીવાળા રાજ્યોમાં જતો નથી !

કોરોનાની સ્ફોટક પરિસ્થિતિ છતી ન થાય એટલા માટે ચૂંટણીવાળા રાજ્યોના કેસની વિગતો જાહેર કરાતી નથી

નવી દિલ્હી

દેશમાં છેલ્લા એક મહિનાથી કોરોનાના કેસ સતત વધી રહ્યા છે બીજીબાજુ પશ્ચિમ બંગાળ, આસામ, તામિલનાડુ, કેરળ અને પુડુચેરીમાં વિધાનસભા ચૂંટણી યોજાઈ રહી છે. કોરોના જાણે ચૂંટણી અને સભાઓથી ડરતો હોય તેમ ચૂંટણીવાળા રાજ્યોમાં જતો જ નથી એટલે આ રાજ્યોમાં જાણે કોરોના છે જ નહીં એવી રીતે જંગી ચૂંટણી પ્રચાર ચાલી રહ્યો છે.

સરકાર લોકોને માસ્ક પહેરવા, સોશિયલ ડિસ્ટન્સનું પાલન કરવા સતત નિર્દેશ આપે છે. મોટાભાગના દરેક રાજ્યની સરકારો કોરોનાના દૈનિક કેસની યાદી પણ બહાર પાડે છે. પરંતુ ચૂંટણીવાળા રાજ્યોમાં જાણે કોરોનાના છે જ નહીં તેમ નેતાઓ જંગી રેલીઓ અને સભાઓ યોજી રહ્યા છે. વધુમાં આ રેલીઓ અને સભાઓમાં કોઈ માસ્ક પહેરતું નથી અને સોશિયલ ડિસ્ટન્સના તો ધજાગરા ઊડી જાય છે. આમ છતાં લોકો કે નેતાઓ કોઈના પેટનું પાણી નથી હલતું. બીજી બાજુ ચૂંટણી સિવાયના રાજ્યમાં જો એકલ-દોકલ વ્યક્તિ પણ માસ્ક વગર ફરતી દેખાય તો પોલીસ દંડ ફટકારે છે અને ચૂંટણી સભા તથા રેલીઓમાં હજારો લોકો માસ્ક વગર ફરે છે ત્યારે તેમને કોઈ દંડ થતો નથી. ચૂંટણીવાળા રાજ્યોમાં સરકારની નિષ્ક્રિયતા સામે લોકો જાગૃત નહીં બને તો કોરોના મહામારી વધુ વકરી શકે છે. દરમિયાનમાં ગુજરાતમાં કોરોના વકર્યો છે, સ્થિતિ અત્યંત ગંભીર છે છતાં સરકાર ગાંધીનગર મહાનગર પાલિકાની ચૂંટણી રંગે ચંગે યોજવા જઈ રહી છે.

( Source – Gujarat Samachar )

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Top News
Entertainment
Ashadeep Newspaper

શું તમે તારક મહેતાના ઉલ્ટા ચશ્મા શોને મિસ કરો છો? આ તારીખથી આવી રહ્યા છે નવા એપિસોડ

વિશ્વમાં કોહરામ મચાવનાર કોરોનાએ દરેક ઈન્ડસ્ટ્રીઝને ઠપ્પ કરી દીધી છે. ત્યારે ભારતમાં પણ બોલીવુડ અને ટેલિવુડમાં બ્રેક લગાવી દીધી હતી.

Read More »
World
Ashadeep Newspaper

ચૂંટણી રેલી : ગાંધીજીની મૂર્તિ પાડનારને 10 વર્ષની સજા અપાવીશું : ટ્રમ્પ

અમેરિકી રાષ્ટ્રપ્રમુખ ડોનાલ્ડ ટ્રમ્પે કહ્યું છે કે વોશિંગ્ટન ડીસીમાં આફ્રિકી અમેરિકી જ્યોર્જ ફ્લોઈડના મોત સામે દેખાવો કરનારાએ મહાત્મા ગાંધીની મૂર્તિને

Read More »